بازگشت
دګناهونوکفاره
الحاج الهام الدين قيام الحاج الهام الدين قيام

 

فيصله مې دتقدير ده،څه چاره ده

چې له ګران وطن مې،ليرې ګوزاره ده

 

زه بې ساه،دلته راوړی زمانې يم

ساه مې،ګران وطنه!لاهم ستاکره ده

 

دلته اوسم،مينه هلته رانه پاتې

لاهملته،دوطن په کور،ديره ده

 

چې مې ځان دخپلې ساه سره يوځای شي

ګران وطنه !لاخوهيله راسره ده

 

!زه چې ليرې له تااوسمه وطنه

له ژوندون مې جوړه شوی،مسخره ده

 

دغرورلښکر مې،دلته ماتي وکړه

له شهيد غيرت مې،ډکه هديره ده

 

دوياړونو، جنازې مې پکې اوسي

دلته ژوندمې،دوياړونومقبره ده

 

نورقيام ته،دلته ژوندکې ثواب نشته

دلته ژوند،دګناهونو، کفاره ده

 

والدورف/جرمني

 


April 22nd, 2011


  برداشت و بازنویسی درونمایه این تارنما در جاهای دیگر آزاد است. خواهشمندم، خاستگاه را یادآوری نمایید.
 
بازگشت
شعر،ادب و عرفان